રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
આજેય પણ
aajey pan
પથિક પરમાર
પથિક પરમાર
ભાત એની એ જ છે આજેય પણ
જાત એની એ જ છે આજેય પણ
ક્યાં કશો બદલાવ આવ્યો છે અહીં?
ઘાત એની એ જ છે આજેય પણ
થાવ શિક્ષિત, સંગઠિત, લડતા રહો,
વાત એની એ જ છે આજેય પણ
ગામ બારા વાસ ને અસ્પૃશ્યતા
લાત એની એ જ છે આજેય પણ
હેં!? સફાઈકામદારો કોણ છે?
નાત એની એ જ છે આજેય પણ
સ્રોત
- પુસ્તક : બહિષ્કૃત (પૃષ્ઠ ક્રમાંક 21)
- સર્જક : પથિક પરમાર
- પ્રકાશક : ગુજરાત દલિત સાહિત્ય અકાદમી
- વર્ષ : 2003