રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
કાંકરી ફૂલપાંખડી થઈ ગઈ
kankri phulpankhDi thai gai
અદમ ટંકારવી
અદમ ટંકારવી
કાંકરી ફૂલપાંખડી થઈ ગઈ
ધૂળ શેરીની રેશમી થઈ ગઈ
નવમા ધોરણની પલ્લવી પંડ્યા
ઘંટ વાગ્યો અને પરી થઈ ગઈ
અર્થને આંબવા મથી ભાષા
દાણાદાણ એની રેવડી થઈ ગઈ
છોકરી આમ તો શરમાળ હતી
પણ ભણીને ચિબાવલી થઈ ગઈ
આ ઉમંગો હરખપદૂડા થયા
લાગણી સાવ વેવલી થઈ ગઈ
મેં લખી'તી ફક્ત રજાચિઠ્ઠી
તેં એ વાંચી તો શાયરી થઈ ગઈ
કોરા કાગળને જોગણી વળગી
ને ગઝલ બાધાઆખડી થઈ ગઈ
સ્રોત
- પુસ્તક : અદમ ટંકારવીની ગઝલોની ચોપડી (પૃષ્ઠ ક્રમાંક 17)
- સર્જક : અદમ ટંકારવી
- પ્રકાશક : રન્નાદે પ્રકાશન
- વર્ષ : 1997