ભીંત મૂંગી રહી

ભીંત મૂંગી રહી

આંગણું બડબડ્યું, ડેલી બોલી પડી, ભીંત મૂગી રહી

ઘર વિષે અવનવી વાત સહુએ કરી, ભીંત મૂગી

આભમાં ઊડતી બારીઓ પથ્થરે કાં જડાઈ ગઈ?

વાત એ પૂછનારેય પૂછી ઘણી, ભીંત મૂંગી રહી

‘આવજો કે'વું શું પથ્થરોને?' ગણી કોઈએ ના કહ્યું

આંખ માંડી જનારાને જોતી રહી, ભીંત મૂંગી રહી

ઘર ત્યજી કોઈ ચાલ્યું ગયું એ પછી બારીએ બેસીને

માથું ઢાળી હવા રાત આખી રડી, ભીંત મૂંગી રહી

કાળના ભેજમાં ઓગળી ઓગળી એ ખવાતી રહી

કોઈએ એ વિષે કો દી પૂછ્યું નહીં, ભીંત મૂંગી રહી

bheent mungi rahi