રેખ્તા
હિન્દવી
સૂફીનામા
રાજસ્થાની
બધે બસ શુષ્કતા પુષ્કળ અને આખું નગર ભીનું
badhe bas shushkata pushkal ane akhun nagar bhinun
બધે બસ શુષ્કતા પુષ્કળ અને આખું નગર ભીનું
badhe bas shushkata pushkal ane akhun nagar bhinun
બધે બસ શુષ્કતા પુષ્કળ અને આખું નગર ભીનું
નથી વરસાદની અટકળ અને આખું નગર ભીનું
સતત ઝાકળના રૂપે થઈ રહ્યું છે રક્તનું પાણી
બની ગઈ ધારણા વાદળ અને આખું નગર ભીનું
પહોંચી ગઈ અનુભૂતિ હવે છેક છેલ્લી કક્ષાએ
બન્યા શબ્દો બધા પોકળ અને આખું નગર ભીનું
દીવાલોને અડી યત્નો બધા પાછા ફર્યાં આજે
આ તારા હોઠ પર ખળખળ અને આખું નગર ભીનું
સ્રોત
- પુસ્તક : ઉત્તરાયણ (પૃષ્ઠ ક્રમાંક 184)
- સંપાદક : દીપક મહેતા
- પ્રકાશક : નેશનલ બુક ટ્રસ્ટ, ઇન્ડિયા
- વર્ષ : 2008