ટેવના દરિયા તો લીલાછમ ભર્યા છે

ટેવના દરિયા તો લીલાછમ ભર્યા છે,

તોય કારણનાં હરણ તરસે મર્યાં છે.

અહીં અજાણ્યા શખ્સ જેવી કામનાઓ,

ત્યાં પ્રતીતિનાં નર્યાં ધુમ્મસ તર્યાં છે.

- સાવ ધીમે ચાલનારો કાચબો છું

પણ સમયના સ્પર્શને સૂરજ કર્યા છે.

શ્વાસ બદલે અર્થને ઓઢું પરંતુ,

ઘર ઉપર શબ્દો નથી, નળિયાં ભર્યાં છે!

કાં કિરમજી શહેરમાં ભૂલા પડ્યા છો,

કાં પરિચયના દીવા તાજા ઠર્યા છે.

tewna dariya to lilachham bharya chhe