રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
દૃશ્યો છે, બેશુમાર છે
આંખો છે કે વખાર છે?
આકાશે ધક્કો માર્યો.
ખરતા તારે સવાર છે.
ગુલામપટ્ટો પ્હેરાવે
ઇચ્છાઓનું બજાર છે.
પરપોટામાં ફરે હવા
જળ મધ્યેનો વિહાર છે.
મેં દીઠી છે સુગંધને
પતંગિયાનો પ્રકાર છે.
મેં સારેલાં આંસુઓ
તારે નામે ઉધાર છે.
નામ જવા દો ઈશ્વરનું
ગામ આખાનો ઉતાર છે.
સ્રોત
- પુસ્તક : ઇર્શાદ (પૃષ્ઠ ક્રમાંક 178)
- સર્જક : ચિનુ મોદી
- પ્રકાશક : રન્નાદે પ્રકાશન
- વર્ષ : 2012