રેખ્તા
હિન્દવી
સૂફીનામા
રાજસ્થાની
તારા વિશે કશુંય કહેવું નહીં ગમે
મારા મુખે તો હું તને પથ્થર નહીં કહું
ભટકી રહ્યા છે શ્વાસ અજાણી જગા ગણી
હું જ્યાં રહું છું એને મારું ઘર નહીં કહું
ચહેરો જ જામે જોઉં છું તારા અવાજનો
વાંચી રહ્યો છું એમને અક્ષર નહીં કહું
મૂકી દીધી છે આંખમાં મંઝિલના નામથી
વાગી હતી તે કાલને ઠોકર નહીં કહું
રસ્તો જુએ છે આભને, એવી રીતે તને
જોયા કરું છું એમ ખરેખર નહીં કહું
સ્રોત
- પુસ્તક : દરિયા (પૃષ્ઠ ક્રમાંક 81)
- સર્જક : મનહર મોદી
- પ્રકાશક : રન્નાદે પ્રકાશન
- વર્ષ : 1997
- આવૃત્તિ : (બીજી આવૃત્તિ)