રેખ્તા
હિન્દવી
સૂફીનામા
રાજસ્થાની
સજળ આકાશને વાદળવટો આપી નથી શકતો
sajal akashne wadalawto aapi nathi shakto
નીરજ મહેતા
નીરજ મહેતા
સજળ આકાશને વાદળવટો આપી નથી શકતો
તમારા નામને કાગળવટો આપી નથી શકતો
સવારે સૂર્ય માફક હુંય ધગધગ થાઉં છું તોયે
પ્રભાતી પુષ્પને ઝાકળવટો આપી નથી શકતો
મહાવૃક્ષો પડ્યાં ઝઘડી ને વનમાં ઝાળ લાગી ગઈ
બળે છે ઘાસ – દાવાનળવટો આપી નથી શકતો
બધું પસવારવું, બહેલાવવું, સમજાવવું ફોગટ
તરસના ઝુંડને મૃગજળવટો આપી નથી શકતો
તને આપી શકું એવું કશું બાકી બચ્યું છે ક્યાં?
છતાં એ વાતને અટકળવટો આપી નથી શકતો
સ્રોત
- પુસ્તક : ગરાસ (પૃષ્ઠ ક્રમાંક 47)
- સર્જક : ડૉ. નીરજ મહેતા
- પ્રકાશક : રન્નાદે પ્રકાશન
- વર્ષ : 2014