ભારે થયેલા શ્વાસ હવામાં ઉછાળીએ

ભારે થયેલા શ્વાસ હવામાં ઉછાળીએ

આંખોમાં ભરીએ આભ તણખલાંઓ ચાવીએ.

ખળખળ વહી જતી પળો કાલે ન પણ મળે

થઈએ ભીના ફરીથી ફરીથી સૂકાઈયે.

ઊગતા સૂરજનો રંગ છે અત્યારે હાથમાં

મુઠ્ઠી ભરી ભરી બધે તડકો ઉડાવીએ.

વાતાવરણમાં ઘુમ્મસી ભીનાશ ઓસની

ટીપાંઓ એકઠાં કરી દૃશ્યો તરાવીએ.

આંગળીઓ એકમેકની ગણીએ ધીમે ધીમે

અંતર ક્ષિતિજ સુધી હજી પગલાંથી માપીએ.

bhare thayela shwas hawaman uchhaliye