રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
મોડું થયું
moDun thayun
મનીષ પાઠક ‘શ્વેત’
મનીષ પાઠક ‘શ્વેત’
તમે આવ્યાં ઘણું સારું થયું,
અહીંયાં સ્હેજ અજવાળું થયું.
કદી માન્યું હતું મારું કહ્યું?
પછી શાને કહે આવું થયું!
નથી કૈં કામધંધો આવડ્યો,
છતાં પણ એક ઘર મારું થયું.
નથી મારે ખુલાસા આપવા,
ભલેને ખૂન ઇચ્છાનું થયું.
વચન, વટ, વેર પૂર્યાં મ્યાનમાં,
પછી જે કંઈ વિચારાયું, થયું.
થવાનું હોય છે તે થાય છે,
અરે સાહેબ, આ બ્હાનું થયું.
બધી આળસ મને ચોંટી પડી,
હજીયે ‘શ્વેત’ ક્યાં મોડું થયું!
સ્રોત
- પુસ્તક : અધખૂલેલું બારણું (પૃષ્ઠ ક્રમાંક 48)
- સર્જક : મનીશ પાઠક ‘શ્વેત’
- પ્રકાશક : કવિલોક ટ્રસ્ટ
- વર્ષ : 2018