રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
અંધારુંઅંધારું ઘરમાં ને બ્હાર
andharunandharun gharman ne bhaar
રમેશ પારેખ
રમેશ પારેખ
અંધારુંઅંધારું ઘરમાં ને બ્હાર
દીવો પેટાવું છું એનો ઉજાસ નથી દેખાતો દીવા મોઝાર.
આંખો ઘૂમે રે નીડભૂલ્યા વિહંગ-શી
ચારે દિશામાં એકધારી
આવો તે અંધકાર કોણે ચણ્યો છે
જેમાં આગિયા સમી ય નહીં બારી
રૂંવેરૂંવે હું પારદર્શક ન હોઉં
એમ આવે ને જાય આરપાર.
કંઈ યે ન જાણ મને એનીઃ હું સ્થિર
અહીં ઊભો કે જાઉં છું તણાતો
આંગળીમાં ફૂટેલો લીલોછમ ટાચકો ય
કાળો અવાજ બની જાતો.
મારી ઝળહળતી વેદનાને ટુકડો ય
મળે આભનો તો પાડું સવાર.
અંધારુંઅંધારું ઘરમાં ને બ્હાર
દીવો પેટાવું છું એનો ઉજાસ નથી દેખાતો દીવા મોઝાર.
(ર૬-૮-'૬૮ મંગળ)
સ્રોત
- પુસ્તક : છ અક્ષરનું નામ (પૃષ્ઠ ક્રમાંક 187)
- સર્જક : રમેશ પારેખ
- પ્રકાશક : પ્રવીણ પબ્લિકેશન
- વર્ષ : 2014
- આવૃત્તિ : 6