રેખ્તા
હિન્દવી
સૂફીનામા
રાજસ્થાની
વારો નહીં
vaaro nahiin
જગદીશ જોશી
જગદીશ જોશી
અમને પાગલને પાગલ કહી વારો નહીં,
આમ બીડેલા હોઠે પુકારો નહીં.
બારી ખોલો ને કરો બારણાં તો બંધ
છલકાયે નહીં એ તો કેવો ઉમંગ?
માટીમાં મહેક છે, ગારો નહીં.
અમને પાગલને પાગલ કહી વારો નહીં.
જળની આ માયા મેં છોડી નહીં,
અમને આપ્યાં હલેસાં, - પણ હોડી નહીં,
હું તો મારો નહીં ને હું તો તારો નહીં.
અમને પાગલને પાગલ કહી વારો નહીં.
સ્રોત
- પુસ્તક : ધારો કે એક સાંજ આપણે મળ્યા... (પૃષ્ઠ ક્રમાંક 139)
- સર્જક : જગદીશ જોષી
- પ્રકાશક : ઇમેજ પબ્લિકેશન્સ
- વર્ષ : 1998