tun aaviine ad! - Geet | RekhtaGujarati

તું આવીને અડ!

tun aaviine ad!

રાજેન્દ્ર શુક્લ રાજેન્દ્ર શુક્લ
તું આવીને અડ!
રાજેન્દ્ર શુક્લ

અડાબીડ ઊગ્યા આડેધડ

કોઈ કહે કેસરની ક્યારી, કોઈ કહે કે ખડ,

અમને તો કંઈ ખબર પડે નઈં

તું આવીને અડ...

લ્હેરે લ્હેરે અમે લ્હેરિયેં,

મૂળ ને માટી ગરથ,

ચારે બાજુ આભ વેરિયેં,

ઉકલે ત્યારે અરથ,

તું જો ઝાકળ હોય તો અમથું પાંદ ઉપરથી દડ...

અમે આવડ્યું એવું ઊભા,

અડધા પડધા તડકે,

ઝીલેલુંયે ઝલાય છે ક્યાં

અડધું પડધું અડકે,

તું જો વીજળી હોય તો આવી આખેઆખું પડ...

સ્રોત

  • પુસ્તક : સેંજળ (પૃષ્ઠ ક્રમાંક 65)
  • સર્જક : રાજેન્દ્ર શુક્લ
  • પ્રકાશક : ઇમેજ પબ્લિકેશન્સ
  • વર્ષ : 2012