રેખ્તા
હિન્દવી
સૂફીનામા
રાજસ્થાની
ચંદ્રકાન્ત શાહ
જીન્સ પહેરતાં બૉડીમાં કંઈ થાય છ્
કહું છું physiologically
એક સ્પર્શના ઘોડાપૂરમાં જીન્સ તણાતા જાય છ્
કહું છું biologically
સ્હેજ ઝળૂંબું તારા ઉપર ત્યાં જ બધે ગોરંભાતું એકાંત
તને ડંખવા ત્વચા કરે ફુત્કાર, આંખમાં સળવળ સળવળ સાપ
રૂને પીંજે કોઈ પીંજારો, એમ પછી તું મારામાં પીંખાય છ્
કહું છું metaphysically
પછી ડોકમાં અંધારું પણ કૂણાં બટકા ભરે
જીન્સ એકબીજામાં એવાં ભીંસાતાં કે પીસાતા હોઠેથી જાણે ચકમક ચકમક ઝરે
સ્તન પલાણવા અશ્વો મારા હોઠેથી ઠેકાય છ્
કહું છું geologically
બ્લુ જીન્સના કરંડિયામાં નાગ, અને તું મહુવર થઇને વાદીડાના ખેલ કરે
અંધારાથી પડે ત્વચા પર ઊભેઊભા કાપ, શ્વાસમાં તેજ લિસોટા સર સર સરે
નિતંબ યાને સૂરજનો ધગધગતો ગોળો, હથેળીઓમાં તોડુંફોડું થાય છ્
કહું છું topographically
ત્વચાના તેજ તોફાની વંઠેલા તોખાર, હવે ના ઝાલ્યા ક્યાંય ઝલાય
ગંધ છૂટતા હણહણતા ઊહકારાઓ પણ, છાતી ઉપર ધડીંગ ધડીંગ ઠોકાય
એક સામટી એકવીસ તોપું ફૂટે એવું ક્ષણભર માટે થાય છ્
કહું છું uncontrollably
ધસી આવતા ક્યાંથી કેવા કોણ બધા આ ભડવીર્યો
કાં હાંફે આ હવા પછી અંધારું ને આ બ્લુ જીન્સના શૂરવીર્યો
જીન્સ પહેરતાં બૉડીમાં તું સ્હેજ સ્હેજ રહી જાય છે
કહું છું all that ને additionally
પછી અચાનક બૉડીમાં ઉઘાડ પામતું ધોધમાર વરસાદ પછીનું આભ
લોથપોથ છાતી પર માથું એમ ઢળે જેમ આળસ મરડી બેસે કોઈ નવાબ
જીન્સ આખરે પંચમહાભૂતમાં જઈને વિલાય છ્
કહું છું That’s it ને eternally
જીન્સ પહેરતાં બૉડીમાં કંઈ થાય છ્
કહું છું physiologically
એક સ્પર્શના ઘોડાપૂરમાં જીન્સ તણાતા જાય છૂ
કહું છું biologically
સ્રોત
- પુસ્તક : બ્લુ જીન્સ – બ્લૅક એન્ડ વ્હાઇટ પોએમ્સ (પૃષ્ઠ ક્રમાંક 44)
- સર્જક : ચંદ્રકાન્ત શાહ
- પ્રકાશક : ઈમેજ પબ્લિકેશન
- વર્ષ : 2000