સખી શ્યામને મળ્યાની હોંસ મનમાં જો
sakhi shyamne malyaani hons manmaan jo


સખી શ્યામને મળ્યાની હોંસ મનમાં જો;
વ્હાલાજીની વાજે વેણુ આજ વનમાં જો!–સખી૦–ટેક
એવી વાંસળી સુણીને ફુલે છાતડી જો;
આવે યાદ શરદપુનેમ કેરી રાતડી જો!–સખી શ્યામને૦
હોય પાંખ તો ઉડીને જઈયે આ ઘડી જો;
અરે વ્રજવધૂને પાંખ કેમ ના ઘડી જો?!–સખી શ્યામને૦
વશીકરણ ભરી વ્હાલાજીની વાંસળી જો;
સ્વર સૂણતાંમાં ઠામ ન રહે પાંસળી જો!–સખી શ્યામને૦
વિરહ ભર્યો મધુર મોરલીનો સૂર છે જો;
એ તો વિવ્હળ કરે વનીતાનાં ઊર છે જો!–સખી શ્યામને૦
સુઝે કામ કાજ નાજ કશું ઘર તણું જો;
નથી ભાન રહેતું લોક લાજને ઘણું જો!–સખી શ્યામને૦
જઈ કુંજમાં મોહનજીને ઝાંખિયે જો;
પરીપૂર્ણ આજ પ્રેમરસ ચાખિયે જો!–સખી શ્યામને૦
ખરો પ્રેમરસ ભોગિ છે એ છેલડા જો;
હૃદયમળમાં રમી રહ્યો અલબેલડો જો!–સખી શ્યામને૦
સખી સાથ ગોપિ મધૂવન નીસરી જો;
નિર્ખિ નટવર, ઘર કેરિ વાત વીસરી જો!–સખી શ્યામને૦
રસિકરાય કહે કેમ આવિ ગોપિકા જો;
ગોપિ કહે કહાંન જાણિ કાં કરો ટિકા જો?!–સખી શ્યામને૦
વ્હાલે ઇચ્છા કીધી પૂર્ણ વ્રજનારની જો;
બલિહારિ વિજય ન્યારિ કુંજવિહારની જો!–સખી શ્યામને૦
sakhi shyamne malyani hons manman jo;
whalajini waje wenu aaj wanman jo!–sakhi0–tek
ewi wansli sunine phule chhatDi jo;
awe yaad sharadapunem keri ratDi jo!–sakhi shyamne0
hoy pankh to uDine jaiye aa ghaDi jo;
are wrajawdhune pankh kem na ghaDi jo?!–sakhi shyamne0
washikran bhari whalajini wansli jo;
swar suntanman tham na rahe pansli jo!–sakhi shyamne0
wirah bharyo madhur morlino soor chhe jo;
e to wiwhal kare wanitanan ur chhe jo!–sakhi shyamne0
sujhe kaam kaj naj kashun ghar tanun jo;
nathi bhan rahetun lok lajne ghanun jo!–sakhi shyamne0
jai kunjman mohanjine jhankhiye jo;
paripurn aaj premaras chakhiye jo!–sakhi shyamne0
kharo premaras bhogi chhe e chhelDa jo;
hridayamalman rami rahyo albelDo jo!–sakhi shyamne0
sakhi sath gopi madhuwan nisri jo;
nirkhi natwar, ghar keri wat wisri jo!–sakhi shyamne0
rasikray kahe kem aawi gopika jo;
gopi kahe kahann jani kan karo tika jo?!–sakhi shyamne0
whale ichchha kidhi poorn wrajnarni jo;
balihari wijay nyari kunjawiharni jo!–sakhi shyamne0
sakhi shyamne malyani hons manman jo;
whalajini waje wenu aaj wanman jo!–sakhi0–tek
ewi wansli sunine phule chhatDi jo;
awe yaad sharadapunem keri ratDi jo!–sakhi shyamne0
hoy pankh to uDine jaiye aa ghaDi jo;
are wrajawdhune pankh kem na ghaDi jo?!–sakhi shyamne0
washikran bhari whalajini wansli jo;
swar suntanman tham na rahe pansli jo!–sakhi shyamne0
wirah bharyo madhur morlino soor chhe jo;
e to wiwhal kare wanitanan ur chhe jo!–sakhi shyamne0
sujhe kaam kaj naj kashun ghar tanun jo;
nathi bhan rahetun lok lajne ghanun jo!–sakhi shyamne0
jai kunjman mohanjine jhankhiye jo;
paripurn aaj premaras chakhiye jo!–sakhi shyamne0
kharo premaras bhogi chhe e chhelDa jo;
hridayamalman rami rahyo albelDo jo!–sakhi shyamne0
sakhi sath gopi madhuwan nisri jo;
nirkhi natwar, ghar keri wat wisri jo!–sakhi shyamne0
rasikray kahe kem aawi gopika jo;
gopi kahe kahann jani kan karo tika jo?!–sakhi shyamne0
whale ichchha kidhi poorn wrajnarni jo;
balihari wijay nyari kunjawiharni jo!–sakhi shyamne0



સ્રોત
- પુસ્તક : વિજયવાણી (પૃષ્ઠ ક્રમાંક 268)
- સર્જક : વિજયશંકર કેશવરામ ત્રિવેદી
- વર્ષ : 1882