રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
દરિયો દરિયો રે મારો સાંવરિયો
દરિયામાં ડૂબી ડૂબી જાઉં હું તો બાવરી...ઓ!
એક એક નેહનો તરંગ મારા અંતરમાં
પૂનમનાં પૂર વહેડાવે,
પૂનમની એક એક રાત મારા શમણાનો
ગમતીલો ચાંદ લઈ આવે,
ચાંદનીમાં ઊભી ઊભી ન્હાઉં હું તો બાવરી...ઓ!
શમણામાં એક મારા હૈયાની નાવડી
દરિયામાં તરતી મેં જાણી
નાવડીમાં સાજનને દીઠો નહિ તોય એનાં
લોચનિયે આજ મને માણી
લોચનમાં છૂપી છૂપી જાઉં હું તો બાવરી...ઓ!
સ્રોત
- પુસ્તક : શરૂઆત (પૃષ્ઠ ક્રમાંક 32)
- સર્જક : મહેશ શાહ
- પ્રકાશક : ગુજરાતી સાહિત્ય પરિષદ
- વર્ષ : 1982