રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

સાધો, ભરવૈશાખે તાપે

હરીશ મીનાશ્રુ

સાધો, ભરવૈશાખે તાપે

હરીશ મીનાશ્રુ

Roman

સાધો, ભરવૈશાખે તાપે

સંત કેવડાની કરવતથી ગરદન નમણી કાપે

અબઘડી ઊભા હો તે સ્થળનું

પાડો નામ બનારસ

અડતાંવેંત પ્રજાળી મૂકે

એ પળ સમજો પારસ

હરિ છાપ્યા હૈયે તો મિથ્યા દુવારિકાની છાપે

આંખ ચૂઈ કે ઢળી ગઈ

અભિયંતર અમરતકુપ્પી

શબદ એક ભીતર ગાજે

તો બડી સબનસે ચુપ્પી

સમદરનાં નહીં, મરજીવા મોતીનાં પાણી માપે

સ્રોત

પુસ્તક : પદપ્રાંજલિ (પૃષ્ઠ ક્રમાંક 42)
સર્જક : હરીશ મીનાશ્રુ
પ્રકાશક : ઈમેજ પબ્લિકેશન્સ પ્રા. લિ.
વર્ષ : 2004