સખી, અત્તરની શીશીમાં મોહ્યા

સખી, અત્તરની શીશીમાં મોહ્યા

દૂરની સુગંધો પર માંડીને મીટ અમે આંગણના મોગરાને ખોયા

વાયરા પલાણ્યા વંટોળિયાઓ બાંધ્યા પણ ઓળખ્યા ના પોતાના શ્વાસને

એટલું ન સમજ્યા કે થાતું શું હોય છે ઝાકળ બંધાય ત્યારે ઘાસને

મલક્યાનો હોઠવગો ભૂલી મલક અમે નક્શાના ગામ કાજે રોયા

સખી, ઉત્તરની શીશીમાં મોહ્યા

આપણે પણછ થકી છૂટેલાં તીર નથી જેને ના હોય પાછું વળવું

કેડીથી અણજાણ્યા પાગલ પતંગિયાનું સાવ છે સહજ ભૂલા પડવું

ઝાઝા ના દૂર હવે સખી કે અમે ધબકારા છાતીવછોયા

સખી, અત્તરની શીશા મોહ્યા

sakhi, attarni shishiman mohya