પ્રતીક્ષા

પ્રતીક્ષા

વેકુરે વીળનાં લાગ્યાં વાર :

દૂરના ડ્હોળી દરિયા આવે માલમની મનવાર...

વાવલો મારે વ્હાલસોયો

ઇમ જલના ઘૂઘરબોલ,

હેરિયાં લેતી હોઉં ત્યાં મુને

હરખનો અંઘોળ;

લ્હેરની વાંહે લ્હેરિયું હાલી આવતી હારોહાર...

ભાલમાં જરી લાલ, ને

લગીર આંખમાં આંજી મેશ;

ચીતર્યું ચીની ઓઢણ, એને

ગમતું ઓઢ્યું બેશ.

અડવા મારા અંગની ઉપર નવસેરો શણગાર...

આભની મો'રે ઓળખું એનો

અદકો ઊંચો ડોલ,

દુનિયા બધી આવતી ભેળી

આજ તો મારે મો'લ!

રેણનો મોંઘાં રતને મ્હોરી ઊઠશે રે અંધાર...

pratiikshaa