રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

મારી આંખે ખોબે ખોબે ઉભરાતા આંસુની સાખે

ચંદ્રેશ મકવાણા

મારી આંખે ખોબે ખોબે ઉભરાતા આંસુની સાખે

ચંદ્રેશ મકવાણા

Roman

મારી આંખે ખોબે ખોબે ઉભરાતા આંસુની સાખે

મંદ મંદ મુસકાતા કોમળ ફૂલ અને ફુવ્વારા વચ્ચે

તને કદી મેં ચાહીતી એ વાત મને બહુ યાદ નથી

કાલ કદી ઝરણાના જળમાં

રોપેલા તરણાના તળમાં

કાલ કદી વીજળીની માફક

માણેલી ઝળહળતી પળમાં

ફળીયું, ઘર-ખેતરને રસ્તા સીમ અને શેઢાની સાખે

સંધ્યા ટાણે રંગ બદલતા તેજ અને અંધારા વચ્ચે

તને કદી મેં ચાહીતી એ વાત મને બહું યાદ નથી

કાલ કદી ઘરઘત્તા રમતા

દીવસોને લીંપી આંગણમાં

કાલ કદી ઝળહળ જોબનની

ઘડીઓને વીંઝી ગોફણમાં

આપણ બેએ ફાંટ ભરીને વાઢેલા વગડાની સાખે

પાંપણમાં પોઢેલા પેલા મુઠ્ઠીભર મુંઝારા વચ્ચે

તને કદી મેં ચાહીતી એ વાત મને બહુ યાદ નથી

સ્રોત

પુસ્તક : રેખ્તા ગુજરાતી માટે કવિએ પોતે પસંદ કરેલી કૃતિ.