રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
એકલું
ekalun
પ્રહ્લાદ પારેખ
પ્રહ્લાદ પારેખ
નભમાં ઊગે છે નવલખ તારલા, અગણિત સિંધુતરંગ,
ડાળે ડાળે વનમાં ફૂલડાં, માળે ગાયે વિહંગ;
શાને રે લાગે તોયે એકલું;
સ્મૃતિ રે અંતર મારે લાખ છે, આશા કેરો ન પાર,
પડી રે હૈયું જયારે એકલું ત્યારે સંગ દેનાર;
તોય રે લાગે આજે એકલું!
ઊભી રે ધરણી મારી પાસમાં, ઉપર આભ અપાર;
વાયુ રે નિત્યે વીંટી રે’ મને, આખું વિશ્વ વિરાટ;
નાના રે હૈયાને લાગે એકલું!
કોઈ રે આવી કોઈ વહી ગયું, મારે અંતરને દ્વાર;
કોઈ રે ગાઈ મૂંગું રહી ગયું, છાયો રે ઉરમાં સૂનકાર;
એવું રે લાગે આજે એકલુ!
સ્રોત
- પુસ્તક : ગુજરાતી ઉર્મિકાવ્યો (પૃષ્ઠ ક્રમાંક 67)
- સંપાદક : જયન્ત પાઠક, રમણલાલ પાઠક
- પ્રકાશક : આદર્શ પ્રકાશન
- વર્ષ : 1983