પરપોટો પાણીમાં મૂંઝાય

પરપોટો પાણીમાં મૂંઝાય હો, ખલાસી....

પાણીમાં મૂંઝાય હો રે

પાણીથી મૂંઝાય હો રે

પાણીમાંથી કેમ કરી અળગા થવાય...

પાણીથી બંધાણું એનું પોત, હો ખલાસી

અને પાણીમાં છપાણું એનું નામ

સામું ગામ પરપોટા સોંસરું દેખાય

અને પરપોટો ખૂંત્યો અહીં આમ

અરે, પાણીમાં રહેવાં ને પાણીમાં ન રહેવાય. -પરપોટો.

પાણીમાં દેખાય આખું આભ, હો. ખલાસી

એમાં કેમ કરી ઊડવા જવાય

પાંગળા તરાપા અને હોડીયું ય પાંગળી

કે પાણીમાં તો એ ય બૂડે, ભાઈ...

અરે, પરપોટો કેવો રે નોધારો ફૂટી જાય. –પરપોટો.

parpoto paniman munjhay