રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
જળ ઝીલી લે આગ
jal jhili le aag
રાધિકા પટેલ
રાધિકા પટેલ
જળ ઝીલી લે આગ;
જળમાં જીવન બેઠું'રે, અગ્નિ પીડાનો રાગ.
જળ ઝીલી લે આગ…
અગ્નિના છે ઉંચા શિખર, જળનાં પહોળાં હાથ;
જવર જલદ હો ભલે જ્વાળના જળ ભીડી લે બાથ.
અગ્નિનાં દીધેલાં ડામે પડે ના જળમાં દાગ,
જળ ઝીલી લે આગ…
અગ્નિ છો માઝા મૂકીને જળની ઉપર ઝમે;
ઊંડા-ઊંડા સવાસ લઈને જળ અગ્નિને ખમે.
જળ ભરતું ઉચાળા-કાળાં, અગ્નિ ભાગમભાગ..
જળ ઝીલી લે આગ…
જોર હજો કેવાં ?- અગ્નિને જળની જીભે મૂકો;
જળ જો ખૂટી જાય, તો લગરીક જળ અગ્નિમાં ફૂંકો.
અગ્નિએ પીધેલાં જળનો મળે કદી ના તાગ..
જળ ઝીલી લે આગ..
સ્રોત
- પુસ્તક : કવિ તરફથી મળેલી કૃતિ