રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
હે તને જાતાં જોઈ પનઘટની વાટે
he tane jatan joi panaghatni wate
અવિનાશ વ્યાસ
અવિનાશ વ્યાસ
હે તને જાતાં જોઈ પનઘટની વાટે
મારું મન મોહી ગયું;
હે તારા રૂપાળા ગોરા ગોરા ઘાટે
મારું મન મોહી ગયું. હે.
કેડે કંદોરો ને કોટમાં દોરો,
તારા લહેરિયાની લાલ લાલ ભાતે
મારું મન મોહી ગયું. હે.
બેડલું માથે ને મેંદી ભરી હાથે,
તારી ગાગરની છલકાતી છાંટે
મારું મન મોહી ગયું. હે.
રાસે રમતી, આંખને ગમતી,
પૂનમની રઢિયાળી રાતે
મારું મન મોહી ગયું. હે.
સ્રોત
- પુસ્તક : તારી બાંકી રે પાઘલડીનું ફૂમતું રે... (પૃષ્ઠ ક્રમાંક 133)
- સંપાદક : અંકિત ત્રિવેદી
- પ્રકાશક : નવભારત સાહિત્ય મંદિર
- વર્ષ : 2012