રેખ્તા
હિન્દવી
સૂફીનામા
રાજસ્થાની
નીંદરનો દેશ
nindarno desh
માધવ રામાનુજ
માધવ રામાનુજ
કોણ ઢંઢોળે નીંદરનો દેશ?
મને વાગે છે શમણામાં ઠેશ.
મારાં સૂનાં અંધારાનાં ગામ
આમ કોણે ઘેર્યાં?
ઝલમલ અજવાળાનાં ઝાંઝરિયાં
ફળિયામાં કોણે પે’ર્યાં
કોણ શોભે આ સોડમને વેશ?
મને વાગે છે શમણામાં ઠેશ!
વાટ સંકોરું? વાટ ભલે લંબાતી!
લંબાતી રાતની,
પાંપણનાં બંધ ભલે ઊભાં રે
ઊભાં રે’
આડશ થૈ વાતની;
નહિ વાગે રે ઉંબરની ઠેશ
કોક ઢંઢોળે નીંદરનો દેશ!
સ્રોત
- પુસ્તક : તમે (પૃષ્ઠ ક્રમાંક 14)
- સર્જક : માધવ રામાનુજ
- પ્રકાશક : આર. આર. શેઠની કંપની
- વર્ષ : 1986
- આવૃત્તિ : બીજી આવૃત્તિ