રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
અમે પાંદડુંક પાંપણે ઝૂલ્યાં –
અધૂકડું ખૂલ્યાં :
હથેળિયું હેલે ચડી!
અમે છાતીમાં ગોટમોટ મૂક્યું –
અષાઢવું ધડૂક્યું :
હથેળિયું હેલે ચડી!
અમે આંગળીની કોર્યમોર્ય પૂગ્યાં –
રતૂમડું ઊગ્યાં:
હથેળિયું હેલે ચડી!
અમે આછા ઉજાગરામાં જોયું –
ને આયખું ખોયું:
હથેળિયું હેલે ચડી!
અમે પાંદડુંક પાંપણે ઝૂલ્યાં –
સ્રોત
- પુસ્તક : સાંબેલું ચંદણ સાગનું (પૃષ્ઠ ક્રમાંક 6)
- સર્જક : મનહર જાની
- પ્રકાશક : પોતે
- વર્ષ : 2001