મોવડાનો હરો મને આલ સોરા ધમલા

ઉંય તારી આરે ઢોલે નાસુ રે હોહ

ઓરી નેદીને ઉં તો થાચી સોરા ધમલા

હળવી જરાક ઉ થાઉં રે હોહ

આખા ફરિયાની નજર વાગે સોરા ધમલા

તારા ઉપર દિલ આયુ રે હોહ

ડુંગરની ટોસે ને નદીઓની ભેખડે

આપણે સરાયી આરે ગાયુ રે હોહ

તારી તલવારને મારી સે સરી

આય લડી લઈએ લડાયું રે હોહ

ઢોલ તારો વાગે ને પોગ મારા ઉપડે

તારામાં દલડું સમાયુ રે હોહ

કોક દાડો આપણે એક સુલે ખાશુ

કરજે તુ એવી કમાયુ રે હોહ

મોવડાનો હરો મને આલ સોરા ધમલા

તારાથી શુ સે સવાયુ રે હોહ

તારાથી શુ સે સવાયુ રે હોહ