રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
નજરું
najarun
અનિરુદ્ધ બ્રહ્મભટ્ટ
અનિરુદ્ધ બ્રહ્મભટ્ટ
સંતજી, મધરાતે મોરલો ગહેક્યો
ને વાદળી એક્કે નહિ રે લોલ!
સંતજી, ભાન ભૂલી કોયલ ટહૂકી
ને આંબલો મહોર્યો નહિ રે લોલ!
સંતજી, હરણાએ દોટ ભલી દીધી
ને સરવર ક્યાંયે ન'તાં રે લોલ!
સંતજી, રણઝણ રણઝણ વીણા
ને સૂર કોઈ જાગ્યા નહિ રે લોલ!
સંતજી, નમણાં કમળપાન ખીલ્યાં
ને ઝાકળનાં બિન્દુ નહિ રે લોલ!
સંતજી, અધરાતે પોપચાં ખૂલ્યાં
ને વીજળી ઝબકી નહિ રે લોલ!
સંતજી, નજરુંની એવી શી લીલા
કે સઢ સૌ ફરકી ઊઠ્યા રે લોલ!
સ્રોત
- પુસ્તક : કિમપિ (પૃષ્ઠ ક્રમાંક 77)
- સર્જક : અનિરુદ્ધ બ્રહ્મભટ્ટ.
- પ્રકાશક : આર. આર. શેઠ
- વર્ષ : 1983