રેખ્તા
હિન્દવી
સૂફીનામા
રાજસ્થાની
મંગલ મંદિર ખોલો
mangal mandir kholo
નરસિંહરાવ ભોળાનાથ દીવટિયા
નરસિંહરાવ ભોળાનાથ દીવટિયા
મંગલ મંદિર ખોલો,
દયામય!
મંગલ મંદિર ખોલો!
જીવનવન અતિ વેગે વટાવ્યું,
દ્વાર ઊભો શિશુ ભોળો;
તિમિર ગયું ને જ્યોતિ પ્રકાશ્યો,
શિશુને ઉરમાં લ્યો, લ્યો
દયામય!
મંગલ મદિર ખોલો!
નામ મધુર તમ રચ્ચો નિરન્તર,
શિશુ સહ પ્રેમે બોલો;
દિવ્યતૃષાભર આવ્યો બાલક,
પ્રેમે અમીરસ ઢોળો,
દયામય!
મંગલ મંદિર ખોલો!
સ્રોત
- પુસ્તક : ગુજરાતી ઊર્મિકાવ્યો (પૃષ્ઠ ક્રમાંક 48)
- સંપાદક : જયન્ત પાઠક, રમણલાલ પાઠક
- પ્રકાશક : આદર્શ પ્રકાશન
- વર્ષ : 1983