રેખ્તા
હિન્દવી
સૂફીનામા
રાજસ્થાની
ફૂલ તો એની
ફોરમ ઢાળી રાજી.
વાયરો ક્યાં જઈ ગંધ વખાણે,
ફૂલ તો એનું કાંઈ ન જાણે,
ભમરા પૂછે ભેદ તો લળી
મૂગું મરતુ લાજી; ફૂલ.
એક ખૂણે આયખુ નાનું,
કેવું વીતી જાય મજાનું!
કોઈનું નહીં ફરિયાદી ને
કોઈનું નહીં કાજી; ફૂલ.
એના નિજના રંગમાં રાતું,
ખુશ્બુભર્યું એકલું ખાતું,
મસળી નાખે કોઈ તો સામે
મહેક દે તાજી તાજી! ફૂલ.
ફૂલ તો એની
ફોરમ ઢાળી રાજી.
સ્રોત
- પુસ્તક : બૃહદ ગુજરાતી કાવ્યપરિચય ભાગ 1 (પૃષ્ઠ ક્રમાંક 125)
- સર્જક : મોહનભાઈ પટેલ, ચંદ્રકાન્ત શેઠ
- પ્રકાશક : ગૂજરાત વિદ્યાપીઠ
- વર્ષ : 1973