પાંચીકડાનાં પાંચે પંખી આંગળીએથી ઊડ્યાં

પાંચીકડાનાં પાંચે પંખી આંગળીએથી ઊડ્યાં,

પરીઓનાં પગલાંમાં મેડી-માઢ બધાંયે બૂડ્યાં.

મોરપીંછના રણઝણ રંગો દૂરદૂર ફરફરતા,

ધૂળ મહીં ધરબેલાં શમણાં આભ બની ઝરમરતાં!

ફળિયામાં પીપળથી ખરતાં ખરખર લીલાં પાન,

પાદરની દેહરીએ તડકો વાગોળે અરમાન.

આંસુનાં ટીપાંમાં ડૂબ્યાં ધાર ટેકરા પ્હાડ,

પચરંગી પાલવડે મ્હોર્યાં થડકારાનાં ઝાડ.

ધમધમતી ઘૂઘરમાળાનાં રણઝણતાં આઠે અંગ,

આણીતીની આંખ્યુંમાંથી છલકે આછો રંગ.

paanchiikdaanaan paanche pankhii aangaliyethii uudyaa