કચકડાની ચૂડી રે

કચકડાની ચૂડી રે

કચક્કડાની ચૂડી રે મારું કૂણુંમાખણ કાંડું,

સૈયર શું કરીએ?

ફળિયે રોપ્યો લીંબુડીનો કાચો છોડ કાચો છોડ

કાચો રે પડછાયો એમાં

તકલાદી થડ ફરે,

ખડખડ કરતું પડે પાંદડું

ભણકારા અવતરે;

ખરબચડી કેડી પર પાની પરવાળાની માંડું

સૈયર શું કરીએ?

અડધે મારગ ઠેબે આવ્યું રાતું ફૂલ રાતું ફૂલ

રાતું રે અજવાળું એમાં

લીલો સૂરજ તરે,

પડતર પાંપણનાં તોરણથી

ખરખર નીંદર ખરે;

સપનાનું સાંબેલું લઈને ઉજાગરાને ખાંડું,

સૈયર શું કરીએ?

kachakdaanii chuudii re