કાળજડાં હો! કહોને કૂળાં કાં થયાં?

કાળજડાં હો! કહોને કૂળાં કાં થયાં?

જાણો શું ના વજ્રસમો વ્યવહાર જો?

છેક જ સીધાં-છેક જ ભોળાં શું રહ્યાં?

જાણો શું ના માયામય સંસાર જો? - કાળજડાં.

જગજનનીતિ–જગજનરૂઢિ ભિન્ન છે,

ભિન્ન જ સાદી સાધુજનની રીત જો;

ધૃષ્ટ પ્રહારો જગની ઝેરી જીભના

કેમ કરીને સહેશો ઉર વિનીત જો? - કાળજડાં.

સ્વર્ગવિહારી શ્વેત જ પંખીડાં તમ્હેં,

દુનિયાડાહ્યા શ્યામ નરકનિમગ્ન જો;

માગું નિરન્તર, વ્હાલાં! હું તો એટલું :

તમ પર હોજો પ્રભુરખવાળું અખંડ જો…! - કાળજડાં.

kaaljadan ho! kahone kuunlaan kaan thayaan?