vaaro nahiin - Geet | RekhtaGujarati

વારો નહીં

vaaro nahiin

જગદીશ જોશી જગદીશ જોશી
વારો નહીં
જગદીશ જોશી

અમને પાગલને પાગલ કહી વારો નહીં,

આમ બીડેલા હોઠે પુકારો નહીં.

બારી ખોલો ને કરો બારણાં તો બંધ

છલકાયે નહીં તો કેવો ઉમંગ?

માટીમાં મહેક છે, ગારો નહીં.

અમને પાગલને પાગલ કહી વારો નહીં.

જળની માયા મેં છોડી નહીં,

અમને આપ્યાં હલેસાં, - પણ હોડી નહીં,

હું તો મારો નહીં ને હું તો તારો નહીં.

અમને પાગલને પાગલ કહી વારો નહીં.

સ્રોત

  • પુસ્તક : ધારો કે એક સાંજ આપણે મળ્યા... (પૃષ્ઠ ક્રમાંક 139)
  • સર્જક : જગદીશ જોષી
  • પ્રકાશક : ઇમેજ પબ્લિકેશન્સ
  • વર્ષ : 1998