રેખ્તા
હિન્દવી
સૂફીનામા
રાજસ્થાની
જણ જીવોજી
jan jiwoji
લાભશંકર ઠાકર
લાભશંકર ઠાકર
ઠાકરની આંખમાં ઠળિયા રે જણ જીવોજી
હૈયાનાં ખાલીખમ ફળિયાં રે જણ જીવોજી
તૂટ્યા કડડ સાત સળિયા રે જણ જીવોજી
ખૂટ્યાં નાગર તારાં નળિયાં રે જણ જીવોજી
મારગમાં મોહનજી મળિયા રે જણ જીવોજી
રાધાનાં હાડ સાવ ગળિયાં રે જણ જીવોજી
ઢાળથી ઊથલજી ઢળિયા રે જણ જીવોજી
અધવચ પાથલજી મળિયા રે જણ જીવોજી
ખાવું શેં? પીવું શે? લાળિયા રે જણ જીવોજી
હાલતા ને ચાલતા પાળિયા રે જણ જીવોજી
ખટમાસ ઊંઘમાં ગાળિયા રે જણ જીવોજી
ખટમાસ વેંણ સાવ વાળિયાં રે જણ જીવોજી
ભડભડ ચેહમાં બાળિયા રે જણ જીવોજી
અમથાં અલખ અજવાળિયાં રે જણ જીવોજી
સ્રોત
- પુસ્તક : આપણી કવિતાસમૃદ્ધિ (ઉત્તરાર્ધ) (પૃષ્ઠ ક્રમાંક 320)
- સંપાદક : ચન્દ્રકાન્ત ટોપીવાળા
- પ્રકાશક : ગુજરાતી સાહિત્ય પરિષદ
- વર્ષ : 2004