રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
રાધાના ગુસ્સાનું ગીત
radhana gussanun geet
ઘનશ્યામ ઠક્કર
ઘનશ્યામ ઠક્કર
મળવાનું મન પહોંચ્યું જોજનવા દૂર તો ય ખેંચાતી જાઉં છું પછીતે
ગોકુળમાં ઓળખેલ શામ! તને દ્વારકામાં ઓળખી શકીશ કઈ રીતે?
ઝાંઝરશાં ગણઝણતાં ડોલતાં કદંબ
આજ ડોલે તો રણકે છે હીરા!
વનરા તે વંન મહીં કાંટળી બોરડીને
ભેટતાં ય પડતા’તા ચીરા?
કોને કહું સમણામાં તારા એ આરસના
ચોકમાંય ચાલતાં શું વીતે!
તારી સંગાથ ગ્રહ્યો ગોવર્ધન,
આજ તારા પીંછાનો ભાર તે ખમાય ના.
ધગધગતો હેમ-રસ વ્હેતો દેખાય
એવી જમુનાને કાંઠે રમાય ના.
છેવટ જો રણશીંગાં ફૂંકવાં હતાં તો
કેમ વીંધી તે વાંસળીનાં ગીતો?!
ગોકુળમાં ઓળખેલ શ્યામ તને દ્વારકામાં
ઓળખી શકીશ કઈ રીતે?
સ્રોત
- પુસ્તક : ભૂરી શાહીના કૂવા કાંઠે (પૃષ્ઠ ક્રમાંક 36)
- સર્જક : ઘનશ્યામ ઠક્કર
- પ્રકાશક : ગૂર્જર ગ્રંથરત્ન કાર્યાલય
- વર્ષ : 1987