રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
કબૂતરોનું ઘૂ ઘૂ ઘૂ
કોયલ કૂજે કૂ કૂ કૂ
ને ભમરા ગુંજે ગૂં ગૂં ગૂં
ચકલાં ઉંદર ચૂં ચૂં ચૂં
ને છછૂંદરોનું છું છું છું
કૂજનમાં શી કક્કાવારી?
હું કુદરતને પૂછું છું:
ઘૂવડ સમા ઘૂઘવાટા કરતો
માનવ ઘૂરકે ─ હું હું હું
કબૂતરોનું ઘૂ ઘૂ ઘૂ
લખપતિઓના લાખ નફામાં
સાચું ખોટું કળવું શું?
ટંક ટંકની રોટી માટે
રંકજનોને રળવું શું?
હરિ ભજે છે હોલો પેલો:
પીડિતોનો પરભુ! તું, પરભુ! તું
કબૂતરોનું ઘૂ ઘૂ ઘૂ
સમાનતાનો સમય થયો ત્યાં
ઊંચું શું ને નીચું શું?
ફૂલ્યાં ફાલ્યાં ફરી કરો કાં
ફણિધરો શાં ફૂં ફૂં ફૂં?
થાંથાં થઈને થોભી જાતાં
સમાજ કરશે થૂ થૂ થૂ
કબૂતરોનું ઘૂ ઘૂ ઘૂ
પરમેશ્વર તો પહેલું પૂછશે
કોઈનું સુખદુઃખ પૂછ્યું’તું?
દર્દભરી દુનિયામાં જઈને
કોઈનું આંસુ લૂછ્યું’તું?
ગેં ગેં ફેં ફેં કરતાં કહેશો
હેં હેં હેં હેં! શું શું શું?
કબૂતરોનું ઘૂ ઘૂ ઘૂ
(તા. ૧૧-૧૦-’૫૫)
સ્રોત
- પુસ્તક : ઝૂલ ઝાલાવાડ ઝૂલ (પૃષ્ઠ ક્રમાંક 58)
- સંપાદક : ડૉ. રમણીકલાલ મારુ, રમેશ આચાર્ય
- પ્રકાશક : ગુજરાતી સાહિત્ય અકાદમી
- વર્ષ : 2016