રેખ્તા
હિન્દવી
સૂફીનામા
રાજસ્થાની
દિવ્યાંગની અભિવ્યક્તિ
divyangni abhiyakti
ભૂમા વશી
ભૂમા વશી
સાવ અંધારે થયું છે મન અહીં આળું હવે,
પાંપણે મોતી મળ્યાં સ્વીકારથી ચાળું હવે...
આ ચરણના ચર્મચક્ષુએ ખીલી સંવેદના,
તીવ્રતાથી ભેટશે આવીને પરવાળું હવે...
ચોતરફ અંધારનાં ઘેરાય ગાઢાં વાદળાં,
દિવ્ય-ચક્ષુથી બધે કાળાશને બાળું હવે...
શ્વેત રાતી લાકડીમાં બાંધીને આ ઘૂઘરીઓ,
વાત કરતાં રણઝણી અંધાર ઓગાળું હવે...
બંધ આંખે આ બધા અજવાશને ભાળું અહીં,
ટેરવાના સ્પર્શથી અક્ષરને અજવાળું હવે...
સ્રોત
- પુસ્તક : શબ્દસૃષ્ટિ : જુલાઈ : ૨૦૨૬ (પૃષ્ઠ ક્રમાંક 14)
- સંપાદક : ભાગ્યેશ જ્હા
- પ્રકાશક : ગુજરાત સાહિત્ય અકાદમી