રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
ઝીણા ઝીણા મેહ
jhina jhina meh
ન્હાનાલાલ દલપતરામ કવિ
ન્હાનાલાલ દલપતરામ કવિ
ઝીણા ઝરમર વરસે મેહ,
ભીંજે મ્હારી ચૂંદડલી:
એવો નીતરે કૌમારનો નેહ,
ભીંજે મ્હારી ચૂંદડલી.
આજે ઝરે ને ઝમે ચંદ્રીની ચંદ્રિકા,
ભીંજે રસિક કોઇ બાલા રે;
ભીંજે સખી, ભીંજે શરદ અલબેલડી,
ભીંજે મ્હારા હૈયાની માળા:
હો! ભીંજે મ્હારી ચૂંદડલી.
વનમાં પપૈયો પેલો પિયુ પિયુ બોલે,
ટહુકે મયૂર કેરી વેણાં રે;
ટમટમ ટમટમ વાદળી ટમકે,
ટમકે મ્હારા નાથનાં નેણાં:
હો! ભીંજે મ્હારી ચૂંદડલી.
આનન્દકન્દ ડોલે સુંદરીનાં વૃન્દ ને
મીઠા મૃદંગ પડછન્દા રે:
મંદ મંદ હેરે મીટડી મયંકની
હેરો મ્હારા મધુરસચંદા!
હો! ભીંજે મ્હારી ચૂંદડલી.
સ્રોત
- પુસ્તક : ન્હાનાલાલ-મધુકોષ (પૃષ્ઠ ક્રમાંક 24)
- સંપાદક : અનંતરાય રાવળ
- પ્રકાશક : સાહિત્ય અકાદમી
- વર્ષ : 2002