રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
સુંદરજી બેટાઈ
ખેલે રે ખેલંદો એકલ આભમાં હો જી;
સૂતા જાગે જાગે સૂતો એહ,
તારાની મટકુંમાં લખલખ હાસતો હો જી;
ચાંદાને ઓશીકે પોઢણહાર
સૂરજને ય જગાડી લેાકે જાગતો હો જી. પ
નાચંતો દીઠો મેં બાલકઆંખમાં હો જી,
પોખંતો દીઠો મે માને દૂધ,
પ્રેમની તંતૂડી એ વજાડતો હો જી
ભૂલી સંધી જાણે શુધ ને બુધ;
કેવો એ સદાનો રહ્યો જાગતો હો જી! ૧૦
ખેડંતો દીઠો રે મેં તો ખેતરો હો જી,
ભાળ્યો અને ભઠ્ઠિયું ભીતરમાંહ્ય;
શેરીએ શેરીએ ટેલ્યું નાંખતો હો જી
અંધાની આંખે, લૂલાંને પાય;
દુખિયાંની વરાળ્યુંમાં વિસામતો હો જી. ૧પ
ધોતો રે જોયો મેં ધોબણધોકણે હો જી,
જોયો એને દુઃખીને અંગાર;
અંધારે એકલડો એ તંબૂરતો હો જી
તૂટ્યાફૂટયા છો ને ભાસે તાર,
ખેલે રે ખેલંદો એકલ અંતરે હો જી. ર૦
બાળાં ને ભોળાંની સૂતો સોડ્યમાં હો જી
જોયો એને લખલખ વાર;
ઘેલાં ને ડાહ્યાંની જમાતમાં હો જી.
જોયો એનો છૂપો મેં સંચાર;
બળ્યાં ને જળ્યાંને દિલે જંપતો હો જી. રપ
જોયો એને ભયને ભેંકારતો હો જી
જોયા એના વીજળિયા ચમકાર;
ગગને જોયો મેં એને હાસતો હો જી
સાંભળિયા મેં ધીરા શા ધબકાર;
પ્રાણુને પેટાવી દિશ દિશ પાઢતો હો જી. ૩૦
સ્રોત
- પુસ્તક : ઇન્દ્રધનુ (પૃષ્ઠ ક્રમાંક 183)
- સર્જક : સુંદરજી ગો. બેટાઈ
- પ્રકાશક : આર. આર. શેઠ કંપની
- વર્ષ : 1939