હારા થૈને થાક્યા જીવલા, હેંડ્ય્ હવે બગડી જૈયે!
ઊંચા ભાવે ખૂબ ઠગાણા, હેંડ્ય્ હવે ગગડી જૈયે!
                ચાખડીઓ થૈ ચરમ દલાર્યા
                                પંચામ્રત થૈ તરપ્યા,
                દીપ - ફૂલ - ચંદન ઓવાર્યા
                                 તોય સરગ ના ધરપ્યાં,
ગાડી નરકની ચૂકશું ટણપા, હેંડ્ય ચડપ પકડી લૈયે!
                                                                  –હારા.
                કર્યા હોજરાં ખાતર, જીવલા!
                                 પેટ વલોયાં ઊણાં,
                પાડ્યાં તનનાં તેલ બાપલા!
                                 કરમ પડ્યાં ન કૂણાં,
પત્યું! હવે તો ફોલ્લા થૈ ને હેંડ્ય અલ્યા તતડી જૈયે!
                                                                  –હારા.
                હાલ્લા થ્યા, ને ફૂટ્યા, લલવા!
                                 નળિયાં થ્યા, ને ચૂયા,
                કદી કોડિયાં થયા કજળવા,
                                 ઈંટ્યો થૈ રૂંધાયા,
હેંડ્ય્  હવે  તો  પકવનાર  પાકે  એવું  ભભડી  જૈયે!
                                                                  –હારા.