રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
દીવડો
diwDo
નંદકુમાર પાઠક
નંદકુમાર પાઠક
કાચા આ કોડિયે મૂકેલો
હો દીવડો, કાચા આ કોડિયે મૂકેલો.
સૂરજનાં અજવાળાં એમાં સજાયાં,
શશિયરનાં શીતળ જો કિરણો સમાયાં,
ગેબી કો ગોખમાં મૂકેલો
હો દીવડો, કાચા આ કોડિયે મૂકેલો.
વર્ષાની વાદળીએ આવે ને આંતરે,
અંધારાં અવનીનાં આવે ને આવરે,
ઝંઝાના વીંજણે ઝગેલો
હો દીવડો, કાચા આ કોડિયે મૂકેલો.
સંતનનાં નયનોની કીકીમાં ડોલતો,
દુખિયારી આંખોની ખીણોમાં ઓપતો,
સોહે અનેકમાં અકેલો
હો દીવડો, કાચા આ કોડિયે મૂકેલો.
સ્રોત
- પુસ્તક : કાવ્યસંચય - 3 (પૃષ્ઠ ક્રમાંક 56)
- સંપાદક : રમણલાલ જોશી, જયન્ત પાઠક
- પ્રકાશક : ગુજરાતી સાહિત્ય પરિષદ
- વર્ષ : 1981