રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

અમને ગુરુ મળ્યા છે ગરવા

મનુભાઈ ત્રિવેદી

મનુભાઈ ત્રિવેદી

અમને ગુરુ મળ્યા છે ગરવા

મનુભાઈ ત્રિવેદી

Roman

અમને ગુરુ મળ્યા છે ગરવા-

એના શબદ ગયા સોંસરવા:

અમને ગુરુ મળ્યા છે ગરવા.

આભ અવાકની વાણ સુણાવી,

ઝમ્યા નેહ મેઘરવા;

ટીપે ટીપે ધાર ઝવી, એને

ઝીલી થયા અમે નરવા.-

અમને ગુરુ મળ્યા છે ગરવા.

અંબરથીય અતિ અતિ ઊંચે

બાંધ્યા ચિત્ત ચંદરવા;

મન માંડવડે મનહર જ્યોતિ

જળી રહી તમ હરવા.-

અમને ગુરુ મળ્યા છે ગરવા.

શબદ સોંસરવા સર્યા મૌનમાં,

મોંઘે મોત એ મરવાં;

સદ્ગુરુ, અમને જુગતિ બતાવો

પંડ પાર પરવરવા. -

અમને ગુરુ મળ્યા છે ગરવા.

ગુરુમહિમા

સ્રોત

પુસ્તક : વીસમી સદીની ગુજરાતી કાવ્યમુદ્રા (પૃષ્ઠ ક્રમાંક 456)
સંપાદક : ચન્દ્રકાન્ત શેઠ, યોગેશ જોષી, હર્ષ બ્રહ્મભટ્ટ, ઊર્મિલા ઠાકર
પ્રકાશક : ગૂર્જર ગ્રંથરત્ન કાર્યાલય
વર્ષ : 2007