રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

સુર વાટ

કેશવ હ. શેઠ

સુર વાટ

કેશવ હ. શેઠ

ભૂલી પન્થ ભમૂં દિનરાત રે કોઈ સન્ત બતાવોજી વાટo -ધ્રુવ.

ઉગે સુરજ વળિ આથમે એવી ન્હોતી મ્હારી મૂળ ભોમ:

જ્યોતિ અખંડ ઢગે જ્યહિં, જેનાં તેજ ઢળે વીંધી વ્યોમ : કોઈo એ વાટo

સંસારને ઉન્હે વાયરે થાય ઘર ઘરના દીપ ગૂલ:

જીવન અહિં એવાં વ્હેંતિયાં-મ્હારે મુલકતો અમરોનાં ફુલ : કોઈo એ વાટo

ઉષાને અધરે ખીલતો ને સંધ્યાને કાંઠે વિલાય:

એવા રે સ્નેહને સોણલે મ્હારું જિવતર ઝોલાં ખાય: કોઈo દિવ્ય વાટo

પગલે પગલે પાવક પરજળે ને આંખે ઠર્યો અન્ધકાર:

પામર દેહની પીઠ પડી વહી ભવરણ કેરો ભાર: હવે સન્ત દોરો સુર વાટ

સ્રોત

પુસ્તક : આપણી કવિતાસમૃદ્ધિ (પૃષ્ઠ ક્રમાંક 73)
સંપાદક : બલવંતરાય કલ્યાણરાય ઠાકોર
પ્રકાશક : ગુજરાત વર્નાક્યુલર સોસાયટી
વર્ષ : 1931