રેખ્તા
હિન્દવી
સૂફીનામા
રાજસ્થાની
મ્હારા વ્હાલા
mhara whala
દેશળજી પરમાર
દેશળજી પરમાર
સાંજને સોણલે રસિયોજી જોયા,
જોતાં ચાલી જળધાર: મારા વ્હાલા
પહેલે આંસુડે અંતર ઊઘડ્યું,
છલકી હૈયાની છોળ: મારા વ્હાલા
બીજે આંસુડે હથેલી લઈને
ટચલી આંગળીએ લખું: મારા વ્હાલા
ત્રીજે આંસુડે જીવણ ચીતરું,
જીવણ ચીતર્યાં ન જાય: મારા વ્હાલા
ચોથે આંસુડે મુખડું હું માંડું,
આછેરે લોચન નીર: મારા વ્હાલા
પાંચમે આંસુડે આંખડી અરપું,
કીકી કાજળ કેરી ધારું: મારા વ્હાલા
છઠ્ઠે આંસુડે નાથજી નીરખું
નેને પાથરિયા પ્રાણ : મારા વ્હાલા
છેલ્લે આંસુડે અંતર રડિયું,
તૂટી હૈયાની પાળઃ મારા વ્હાલા.
સ્રોત
- પુસ્તક : સિગ્નેચર પોયમ્સ (પૃષ્ઠ ક્રમાંક 43)
- સંપાદક : મણિલાલ હ. પટેલ, ગિરિશ ચૌધરી
- પ્રકાશક : એકત્ર ફાઉન્ડેશન (ડિજિટલ પ્રકાશન)
- વર્ષ : 2021