રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
સોનેરી શો સુરજ ઉગ્યો વ્યોમે
soneri sho suraj ugyo wyome
હરિલાલ હ. ધ્રુવ
હરિલાલ હ. ધ્રુવ
[ગરબી]
સોનેરી શો સુરજ ઉગ્યો વ્યોમે?
કિરણ કળી વિખરી નભે, ભોમે? ૧
જગમગતિ જ્યોતિ શી ફેલાવે?
નવા નવા રંગ નભે લાવે? ર
ગગન શો ગુલાલ છે ઝળકાવ્યો?
કેસૂડાનો બ્હાર એ ભભકાવ્યો? ૩
કપોત, પારાવત, કંઈ છાયા,
જાંબૂ જામ્યાં, દુધ કંઈ ઉભરાયાં! ૪
દિપે કહિં સ્વસ્તિક, તોરણ કયાં,
પર્વતપર પર્વત કંઈ ઝબક્યા? પ
સોનાં કંઈ ઢોળ્યાં, મેદાને, નદે?
તરંગે સુરંગે ઝગંતાં વધે? ૬
વસંતે હસંતે અનંતે ઝુલે
ઝાકળ મોતી, નવ–પલવ કે ફુલે? ૭
જ્યાં ત્યાં ઈંદ્રજાળ જમાવી દીધી?
હૃદય હરિ મોહિનીં મસ્તી કીધી? ૮
સ્રોત
- પુસ્તક : સંગીત મંજરી (પૃષ્ઠ ક્રમાંક 36)
- સંપાદક : હિમ્મતલાલ ગણેશજી અંજારિયા
- પ્રકાશક : હિમ્મતલાલ ગણેશજી અંજારિયા
- વર્ષ : 1920
- આવૃત્તિ : 2