રેખ્તા
હિન્દવી
સૂફીનામા
રાજસ્થાની
નવલરામ લક્ષ્મીરામ પંડ્યા
(ગરબી)
(સપ્તચોકા)
હાંરે નામ બાળલગનનું બાળો!
બાળો કે ખાડમાં ઘાલો રે! નામ બાળo
બાળલગનતું નામજ સુણતાં, આવે મને કંટાળો રે; નામo
બાળલગનનું દુઃખ દેખીને, દેશ થઈ ગયો કાળો રે; નામo
બાળ બિચારું શું સમજે એમાં? ઠાઠ શો માંડ્યો ઠાલો રે; નામo
દૈવ ઉપર શીદ દોષ મૂકો છો? પ્રકૃતિ વિરુદ્ધ જ ચાલે રે; નામ.
બાળલગનની ભૂંડી રુઢી આંખ ઉઘાડી ભાળો રે; નામo
ભૂંડી રંડાએ સૂકવી નાખ્યો, સુંદર દેશ રસાળો રે; નામo
બાળલગનથી તે બાળક-બળનો, પાયો પૂર્ણ પ્રજાળ્યો રે; નામo
ઉદ્યમ હોંસ પરાક્રમ આદિ, સ્હેજે બળી ગઈ ડાળો રે; નામo
બાળલગનથી તો વિદ્યાવૃદ્ધિનો, મારગ મૂળથી ખળ્યો રે; નામo
“ભટ્ટ ભષ્યા તો કે પરણ્યા છીએ, ધનમાં આ ઊભી ધાડો રે”; નામo.
બાળલગને બળબુદ્ધિ હરીને, સુખનો સંભવ ટાળ્યો રે; નામo
હુન્નરકળામાં પાછળ પાડી, પૈસો વિલાતે વાળ્યો રે; નામo
બાળલગનથી હોય કજોડા, દુઃખ દુઃખ જેમાં હજારો રે; નામo
બાળલગને હડહડતો આણ્યો, કળજુગ કાળ કરાળો રે; નામo
બાળકનાં માબાપ બને છે, બાર વરસનાં બાળો રે; નામo
બાળલગને તો ઢીંગલા ઢીંગલી, સરખાં બન્યાં નરનારો રે; નામo
ભર જોબનમાં ઘડપણ આણ્યું, આણ્યો મરણનો વારો રે; નામo
બાળલગને બન્યો બળહીન બીકણ, આપણો સઘળો રસાળો રે; નામo
બાળલગને અરે બાયલો કીધો, ભરતનો ખંડ યશાળો રે; નામo
બાળલગને દુઃખ સકળનું મૂળજ, કળિજુગ એ જ વિચારો રે; નામo
બાળલગને તજી, નવલ સ્વજન સૌ, દેશને ડૂબતો તારો રે; નામo
સ્રોત
- પુસ્તક : બાળ ગરબાવલી (પૃષ્ઠ ક્રમાંક 41)
- સર્જક : નવલરામ લક્ષ્મીરામ પંડ્યા
- પ્રકાશક : વસુમતિ ધીમતરામ નવલરામ
- વર્ષ : 1941
- આવૃત્તિ : 39