રેખ્તા
હિન્દવી
સૂફીનામા
રાજસ્થાની
શહેર
shaher
મંગળ રાઠોડ
મંગળ રાઠોડ
પ્લાસ્ટર ઑફ પેરિસનાં
સ્તનો પર
બ્રેસિયરની જાહેરાત પહેરીને
આ શહેર
હંમેશા ઉશ્કેરતું રહે છે
અને કહેતું રહે છે કોઈક મને.
બધું જ પારદર્શક થઈ ગયું છે હવે.
તોડી ફોડી શકાય એવા
આ કાચ જેવું.
હે ચારુશિલા શહેર
કશુંય અપારદર્શક રહ્યું નથી હવે
એટલે જ કદાચ હું
તોડી ફોડી શકતો નથી કશુંય,
હે વિનોબા ભાવે
હવે હું ય, સાક્ષી ભાવે–
જોયા કરું છું; અહીં–
બ્રેસિયરના ભાવમાં
મારી ચારુશિલા!
સ્રોત
- પુસ્તક : દલિત કવિતા સંચય (પૃષ્ઠ ક્રમાંક 86)
- સંપાદક : ગણપત પરમાર, મનીષી જાની
- પ્રકાશક : ગુજરાત લોકાયન
- વર્ષ : 1981