રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો

રજિસ્ટ્રેશન કરો

કોઈ જોતું વાટ

પ્રીતમ લખલાણી

કોઈ જોતું વાટ

પ્રીતમ લખલાણી

Roman

વિચારોના વંટોળે

ઊછળી ઊછળીને શમી ગયેલ દરિયે

સૂર્ય ડૂબ્યા પછી

ઉતરી આવેલ અંધકારે

ફાનસ પેટાવવા

કરેલ દીવાસળી

ટેરવાંને અડી જતાં જ

ચચરી ઊઠે છે વેદના આખે શરીરે

કાંઠાથી

દૂર થઈ ગયેલ રેતી

આવી પહોંચી છે

છેક હવે ફળિયા લગી

સમી સાંજે

બાળકોને રેતીમાં ઘર બનાવતાં જોઈ

ઉંબરે ગુમસૂમ બેઠેલ

બિચારી ખારવણ

હોઠ ખોલીને કહી પણ શકતી નથી

કે તમે

એકાદ દ્વાર ખુલ્લું રાખજો

મારા ખારવા માટે!

સ્રોત

પુસ્તક : ટહુકે વરસ્યું આભ (પૃષ્ઠ ક્રમાંક 26)
સંપાદક : ડૉ. મણિલાલ હ. પટેલ, ડૉ. દક્ષેશ ઠાકર
પ્રકાશક : પાર્શ્વ પબ્લિકેશન
વર્ષ : 2010