પ્રણય કાવ્ય

પ્રણય કાવ્ય

શું છે અંદર

વાયોલીનની?

કશું નથી. નથી

કશું જ, જોયું?

કેવળ આ ખાલીપો.

પણ ઓહ અને છતાં

અને તેમ છતાં

જ્યારે કોઈક બહારથી

સ્પર્શે છે તન્ત્રીઓને

ત્યારે ખાલીપો ગાઈ ઊઠે છે.

એ

લગભગ ચમત્કાર જ.

સ્વાભાવિક, આપણી પાસે હોય બીજા ઘણા

ખુલાસાઓ

હંમેશાં. પણ જવા દઈએ માથાફોડ

એ બધાની, ખરૂંને? જગત ઊભરાય છે

કંટાળાજનક ચીજોથી

એ ખાલીપો છે

વાયોલીનનો,

જોઆના,

ખાલીપો જે ગાય છે.

(અનુ. રાજેન્દ્ર નાણાવટી)

Pranay Kavya